Qyzylorda, Jambyl jáne Qostanaı oblystarynda birqatar laýazymdy tulǵalar ustaldy
ASTANA. QazAqparat - Sybaılas jemqorlyqqa qarsy is-qımyldar bıýrosynyń Qyzylorda oblysy boıynsha departamenti «Qazposhta» AQ Qyzylorda oblystyq fılıaly poshta baılanysynyń Syrdarııa aýdandyq torabynyń basshysy Álibaev J. poshta baılanysy bólimshesiniń meńgerýshisi qymeti úshin jeke tulǵadan 50 000 teńge para alǵanyn anyqtady.
Jambyl oblysy boıynsha Sybaılas jemqorlyqqa qarsy is-qımyldar departamentiniń qyzmetkerleri Jambyl oblystyq ádilet departamenti Qordaı aýdandyq sot aktilerin oryndaý aýmaqtyq bóliminiń aǵa sot oryndaýshysy Amanǵazıev A. men sot oryndaýshysy Úsibjanov N. ustady.
Amanǵazıev A. men Úsibjanov N. bopsalaý arqyly borysh kólemin azaıtý úshin jeke tulǵadan 30 000 teńge kóleminde para alǵan.
Sondaı-aq, Sybaılas jemqorlyqqa qarsy is-qımyldar bıýrosynyń Qostanaı oblysy boıynsha departamenti Rýdnyı q. «Salyq tóleýshiler aqparatyn qabyldaý jáne óńdeý boıynsha ortalyq» MKD bóliminiń basshysy Bekmaǵambetov M. ustady. Ol QQS boıynsha tez ári kedergisiz esepke qoıý úshin «VAB-2016» JShS dırektory A.Baranovtan100 000 teńge kóleminde para aldy.
Qazirgi ýaqytta kúdiktiler ustalyp, ýaqytsha ustaý oqshaýlaǵyshyna qamaldy.
Sotqa deıingi tergeý amaldary júrgizilip jatyr.
