Qyzylorda vırýsologııa zerthanasy zamanaýı jabdyqtarmen tolyqty
Koronavırýsqa qarsy vedmostvoaralyq komıssııanyń málimetinshe, zerthanaǵa PTR ádisimen zertteý júrgizýge 2020 jyly shyqqan sıngapýrlyq QuantStudio 3 amplıfıkatory satyp alynǵan.
Bul qurylǵy arqyly 384 zertteýdi bir ýaqytta oryndaýǵa bolady, ıaǵnı bir táýlikte 1 100 zertteý júrgizýge múmkindik beredi.
Kelesi jabdyq - COVID-19 dıagnostıkasyna arnalǵan KAMAZ avtokólik bazasyndaǵy mobıldi zerthanalyq keshen.
Bul jyljymaly zerthanalyq kompleks kez kelgen jerde asa qaýipti ınfektsııalarǵa zerthanalyq taldaýdyń tolyq spektrin oryndaýǵa, derbes jáne ınfektsııalyq aýrý oshaǵynda medıtsınalyq mekeme janyndaǵy is-saparǵa jiberilgen statsıonarlyq zerthana retinde jumys isteı alady.
Budan bólek, otandyq 2-klasstyq eki bıologııalyq boks satyp alyndy.
Bul qurylǵy aýa tamshylary arqyly juǵatyn patogendi agenttermen, mıkroaǵzalarmen jumys jasaý barysynda synamany, mamandardy jáne qorshaǵan ortany qorǵaýǵa múmkindik beredi.
Shveıtsarııalyq TEKAN kompanııasynyń avtomattyq stantsııasy iske qosyldy. Bul jabdyq 96 analızden nýkleın qyshqylyn 2 saǵatta anyqtaýǵa múmkindik beredi.
Buǵan deıin atalǵan protsedýra qolmen jasalǵanda 6 saǵattaı ýaqytty qajet etetin.
Jańa qurylǵylar zerthanalyq tekserýlerdiń qýatyn arttyryp, sapasyn jaqsartady, mamandarǵa da júkteme azaıady. Ásirese, COVID-19 pandemııasyna qarsy kúres sheńberinde óte mańyzdy.
