Qyzylorda túrmesinde sottalýshyǵa ákelingen palaýdyń ishinen telefon shyqty
QYZYLORDA. QazAqparat - Qyzylordadaǵy tergeý ızolıatoryna palaýǵa jasyryp telefon ótkizbek bolǵan, dep habarlaıdy QazAqparat.
4 tamyz kúni Qyzylorda oblysy boıynsha QAJ departamentiniń ZK-169/1 mekemesinde sálem-saýqat qabyldaý bólmesindegi baqylaýshy qyzmetkerler taǵy da tyıym salynǵan zatty taýyp tárkiledi.
Mekeme qamaýyndaǵy sottalǵanǵa kelgen azamatsha IRBIS markaly telefony, qýattaǵysh qurylǵysyn jáne SIM kartany polıtelın paketke orap, palaý men salattyń ishine jasyryp ótkizbek bolǵan.
Alaıda, azamatshanyń taǵamdarǵa jasyrǵan «tosynsyıyn» baqylaýshy qyzmetkerler birden ańǵaryp, tárkiledi.
Qamaýdaǵy sottalǵan «Urlyq» babymen 5 jyl 6 aıǵa bas bostandyǵynan aıyrylǵan.
Qazirgi tańda atalǵan fakti boıynsha QR ÁQBtK 481-babyna sáıkes is qujattary protsessýaldyq sheshim qabyldaý úshin Qyzylorda qalalyq ákimshilik sotyna joldandy.
