Qyzylorda túrmesinde sottalýshy úılendi

QYZYLORDA. QazAqparat - Qyzylordada ZK-169/4 mekemesinde jazasyn ótep júrgen azamat qalyńdyǵymen nekege otyrdy, dep habarlaıdy QazAqparat tilshisi.

Qyzylorda oblysy qylmystyq-atqarý júıesi departamenti baspasóz qyzmetiniń habarlaýynsha, eki jas burynnan bir-birimen sóz baılasyp júrgen. Degenmen S.Sh azamat aıaq astynan jol-kólik oqıǵasyna ushyrap, 2 jyl 6 aıǵa sottalyp ketken.

Onyń súıgen qalyńdyǵy atalmysh rásimge oraı Aqtaý qalasynan arnaıy keldi. Ekeýi túzeý mekemesi zańgeriniń kómegimen Shıeli aýdandyq jumyspen qamtý, áleýmettik baǵdarlamalar jáne AHAT bóliminde nekege otyrý týraly ótinish toltyryp, ózderiniń nekelerin zańdy túrde qıdy. Osylaısha eki jas neke kýáligin aldy.

«Biz ómirimizdiń qalǵan bóliginde baqytty otbasy qurýdy maqsat etemiz. Sanaly urpaq tárbıelep, tatý-tátti ǵumyr keshýdi durys kóremiz», - deıdi olar.