Qyzylorda túrmesinde sottalǵandar óz denelerine jaraqat saldy
Polisia.kz saıtynyń jazýynsha, narazylyq aktsııasyna qatysqan úsh adamnyń bireýi kisi óltirgeni úshin, taǵy biri qaraqshylyq jasaǵany, úshinshisi densaýlyqqa qasaqana aýyr zııan keltirgeni úshin sottalǵan.
«Oqıǵa ornyna jedel tergeý toby, qoǵamdyq baqylaý komıssııasynyń ókilderi, sondaı-aq oblystyq Qylmystyq-atqraý júıesi departamentiniń basshylyǵy keldi. Kelgen komıssııaǵa sottalǵandar ózderi jatqan kameralarda tintý is-sharalaryn júrgizýge, sol tekserý qorytyndysy boıynsha tyıym salynǵan zattardy paıdalanǵany úshin tártiptik jaza qoldanylatynyna kelispeıtinderin aıtty. Ózderi salǵan jaraqatty emdeý úshin sottalǵandar Qyzylorda oblysynyń oblystyq medıtsınalyq ortalyǵyna jetkizildi. Medıtsına qyzmetkerleri olardy aýrýhanada emdeý qajet emestigin aıtty. Atalǵan qarsylyq áreket aqparatty esepke alý kitabynda tirkelip, qyzmettik tekserý taǵaıyndaldy. Barlyq tekserýlerdiń qorytyndysy boıynsha qoldanystaǵy zańnama sheńberinde tıisti sharalar qabyldanady», - dep jazady Polisia.kz.