Qyzylorda turǵynynan alty mıllıon teńge turatyn marıhýana tárkilendi
Qyzylorda qalalyq polıtsııa basqarmasynyń Aqsaı polıtsııa bólimine jergilikti turǵyn óz úıinde esirtki zattaryn saqtaıtyny týraly aqparat kelip tústi. Polıtseıler jedel-izdestirý is-sharalaryn júrgizdi. Nátıjesinde kúdiktiniń turǵylyqty meken-jaıyna tintý, tergeý áreketin júrgizý barysynda páterindegi lodjııasynda erekshe ıisi bar jasyl tústi ósimdik tektes 103 polıetılen paket tabylyp, tárkilendi.
«Tárkilengen zattar saraptama qorytyndysymen 10 kg-nan astam keptirilgen marıhýana ekeni anyqtaldy. Sonymen qatar arnaıy is-shara aıasynda joǵaryda atalǵan kúdiktiniń bul zatty jeke paıdalaný úshin saqtaýmen aınalysqany belgili boldy. Belgili bolǵandaı, kúdikti buryn QR Qylmystyq kodeksiniń 300-baby (Quramynda esirtki zattar bar, ósirýge tyıym salynǵan ósimdikterdi zańsyz egip-ósirý) boıynsha sottalyp, 2018 jyly bostandyqqa shyqqan. Kúdikti Qyzylorda qalalyq Polıtsııa basqarmasynyń ýaqytsha ustaý ızolıatoryna qamaldy», - dep málim etti Qyzylorda oblystyq polıtsııa departamentinen.
Vedomstvo málimetinshe, atalǵan derek boıynsha QR Qylmystyq kodeksiniń 296-babynyń 4-bóligi boıynsha sotqa deıingi tergep-tekserý amaldary júrgizilýde. Atalǵan qylmys úshin úsh jyldan jeti jylǵa deıin bas bostandyǵynan aıyrý jazasy qarastyrylǵan.
