Qyzylorda turǵyny urlanǵan maldy satyp paıda tappaq bolǵan
QYZYLORDA. QazAqparat - Qyzylorda turǵyny aýyldan urlanǵan maldy basqa bireýlerge satyp paıda tappaq bolǵan. Bul týraly QazAqparat HAA tilshisi oblystyq ІІD-ge silteme jasap habarlady.
Oblys kóleminde ótkizilip jatqan «Mal urlaýshy» jedel profılaktıkalyq is-sharasynyń barysynda Syrdarııa aýdandyq ishki ister bóliminiń qyzmetkerleri Amangeldi aýylynyń tusynda bara jatqan «Gazeldi» toqtatyp, tekserý barysynda avtokólikke tıelgen 5 qoı, 3 eshki, 6 qozynyń qujattary joq ekendigin anyqtaıdy. Kóliktegiler maldy osy aýyldaǵy bir azamattan satyp alǵandyǵyn aıtady.
Sol kúni tańǵa jaqyn Syrdarııa aýdanynyń turǵyny Amangeldi aýylynyń syrt jaǵynda ornalasqan fazendasynan belgisiz bireýler 14 malyn, ıaǵnı 5 qoı, 3 eshki jáne 6 bas qozysyn urlap ketip, jalpy quny 255 000 teńge kóleminde shyǵyn keltirgenin kórsetip aýdandyq ishki ister bólimine shaǵymdanady.
Uıymdastyrylǵan jedel izdestirý sharalary nátıjesinde joǵaryda atalǵan azamattarǵa urlanǵan maldy satyp, paıda tappaq bolǵan 1987 jylǵy qala turǵyny ustalady. Oǵan qatysty QR Qylmystyq kodeksiniń 188-baby 1-bóligi negizinde qylmystyq is qozǵalyp, sotqa deıingi tergep-tekserý amaldary júrgizilýde.
