Qyzylorda turǵyny sora ósiremin dep sorlap qaldy
QYZYLORDA. QazAqparat - Qyzylorda qalasynyń №2 sotynda sottalýshy B-ǵa qatysty qylmystyq is qaraldy. Sora ekken azamat 3 jylyn temir tordyń ar jaǵynda ótkizetin boldy, dep habarlady QazAqparat HAA tilshisi oblystyq sotqa silteme jasap.
Sotta, azamat B-nyń Qyzylorda qalasy, Qyzyljarma aýylynan batysqa qaraı 16 shaqyrym jerde qalyń toǵaı arasynan jer taýyp, sol jerde jatatyn ornyn daıyndap, ipi mólsherde, barlyǵy 72 túp bolatyn quramynda eciptki zattary bar, ócipyge tyıym salynǵan sora ósimdikterin zańsyz egip-ósirgeni anyqtaldy.
Sot úkimi boıynsha sottalýshy B. kináli dep tanylyp 4 jylǵa bas bostandyǵynan aıyrý jazasy taǵaıyndalyp, Qazaqstan Respýblıkasy «Táýelsizdiginiń jıyrma bes jyldyǵyna baılanysty raqymshylyq jasaý týraly» Zańyn qoldanyp, zań qoldanysqa engizilgen kúnge jaza merziminiń ótelmegen bóliginiń tórtten biri, ıaǵnı 1 jylyn qysqartyp, jazasy 3 jyl dep belgilendi.
Úkim zańdy kúshine endi.
