Qyzylorda turǵyny polıtseılerge qarsylyq kórsetkeni úshin qamaýǵa alyndy
QYZYLORDA. QazAqparat - Qyzylordada polıtsııa qyzmetkerlerine qarsylyq kórsetken er adam qamaýǵa alyndy, dep habarlaıdy QazAqparat Polisia.kz saıtyna silteme jasap.
12 mamyr kúni saǵat 13:00 shamasynda Qyzylorda qalalyq Polıtsııa basqarmasynyń qyzmetkerleri ortalyq kóshelerdiń birin patrýldeý barysynda «Audi» kóligin aldyńǵy nómiri bolmaǵany úshin toqtatqan.
Júrgizýshiniń qujattaryn tekserý barysynda kóliktiń qujattary joqtyǵy anyqtalǵan. Bul, Qazaqstan Respýblıkasynyń mindetti saqtandyrý týraly zańnamasyn buzý bolyp tabylady.
Osyǵan baılanysty avtokólikti aıyp turaǵyna alyp barý sheshimi qabyldanǵan.
«Alaıda, bul sheshimmen júrgizýshi kelispeı, polıtsııa qyzmetkerlerine balaǵat sózder aıtyp, ózine qatysty jasalǵan eskertýlerge mán bermegen.
Budan bólek, tártip saqshylaryna qarsylyq kórsetip, olarǵa kúsh qoldanyp, zańǵa qaıshy is-áreketter jasaǵan.
Atalǵan derek boıynsha QR QK-niń 380-baby 1-bóligimen (Bılik ókiline qatysty kúsh qoldaný) sotqa deıingi tergep-tekserý amaldary bastaldy», - delingen aqparatta.
Qylmystyq isti tergep-tekserý barysynda júrgizýshi 2016 jyly osy tektes qylmysty jasaǵany úshin sotty bolyp, oǵan bir jylǵa bas bostandyǵyn shekteý túrindegi jaza taǵaıyndalǵany belgili boldy.
«Kúdikti Qyzylorda qalalyq PB-nyń ýaqytsha ustaý abaqtysyna jetkizildi. Mán-jaılar anyqtalýda. Polıtsııa qyzmetkerleriniń is-áreketine quqyqtyq baǵa beriletin bolady», - dep naqtylady polıtsııadan.