Qyzylorda turǵyny páterinde asylyp qaldy
Qaıǵyly oqıǵa búgin Panfılov kóshesiniń boıyndaǵy bes qabatty úıde bolǵan.
«Habarlamada páterlerdiń birinen jaǵymsyz ıis shyǵa bastaǵany aıtylǵan. Úı ıesi eshkimge esigin ashpaǵan. Qutqarýshylar páter ishine kirgen sátte balkonda úı ıesiniń jipke asylyp turǵanyn anyqtady. Máıit polıtsııa qyzmetkerlerine tabystaldy», - dep málim etti Qyzylorda oblystyq Tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń ókilderi.
Bul oqıǵaǵa baılanysty Qyzylorda oblystyq ishki ister departamenti túsinikteme berdi. Oqıǵa boıynsha QR Qylmystyq kodeksiniń 105-babynyń 1-bóligi boıynsha tergep-tekserý amaldary júrgizilýde.
«Onda ózin-ózi óltirýge deıin jetkizý jaǵdaıy kórsetilgen. Tıisti saraptamalar taaıyndaldy. Máıitke syrttaı qarap tekserý júrgizildi. Máıittiń denesinen dene jaraqattary anyqtalǵan joq. Qalǵan málimetter QR Qylmystyq-protsestik kodeksiniń 201-babynyń talaptaryna sáıkes jarııa etilmeıdi», - dedi Qyzylorda oblystyq polıtsııa departamenti bastyǵynyń orynbasary Baıjan Baıgeldi.