Qyzylorda turǵyny qudyqqa qulap ketip, mert boldy

QYZYLORDA. QazAqparat - Qyzylordada 55 jastaǵy azamat abaısyzda káriz qudyǵyna túsip ketip, kóz jumdy, dep habarlaıdy QazAqparat tilshisi.

Oqıǵa Qyzylorda qalasyndaǵy «ıAgodka» saıajaıy aýmaǵyndaǵy turǵyn úıdiń birinde boldy. Turǵynnyń denesi qudyqta birneshe kún jatyp qalǵan. Óıtkeni, úıinde ózinen basqa eshkim bolmaǵan.

«Azamat oqıǵa ornynda kóz jumǵan. Káriz qudyǵynyń tereńdegi shamamen 1 metrge jýyqtaıdy. Qazir máıit polıtsııa qyzmetine ótkizildi. Oqıǵanyń sebebi anyqtalýda. Turǵyn káriz qudyǵynda tórt-bes kún jatyp qalýy múmkin. Onyń sebebi saraptama negizinde anyqtalady», - dep málim etti oblystyq Tótenshe jaǵdaılar departamenti órt sóndirý jáne avarııalyq qutqarý jumystary qyzmetinen.