Qyzylorda turǵyny kóshede sholaq myltyq alyp júrgen

QYZYLORDA. QazAqparat - Qyzylordada kóshe boıynda qarý alyp júrgen jergilikti turǵyn qolǵa tústi, dep habarlaıdy QazAqparat tilshisi.

Polıtsııaǵa Qyzylorda qalasynyń Jýrba kóshesiniń boıynda belgisiz azamattyń qarý alyp júrgendigi jóninde habarlama túsedi. Soǵan sáıkes jedel-izdestirý sharalary júrgizildi. Nátıjesinde qalada turatyn 38 jastaǵy azamat ustalyp, sholaq myltyq tárkilendi.

«Atalǵan derek boıynsha Qylmystyq kodekstiń 287-babynyń 3-bóligimen sotqa deıingi tergep-tekserý bastalyp, ustalǵan kúdikti ýaqytsha ustaý oqshaýlaǵyshyna qamaldy.

Kúdiktiniń kinási dáleldense, sot sheshimimen oǵan

bes myń aılyq eseptik kórsetkishke deıingi mólsherde aıyppul salýǵa ne sol mólsherde túzeý jumystaryna, bes jylǵa deıingi merzimge bas bostandyǵyn shekteýge nemese sol merzimge bas bostandyǵynan aıyrýǵa jaza taǵaıyndalýy múmkin», - dep málim etti Qyzylorda oblystyq polıtsııa departamentiniń baspasóz qyzmeti.

Buǵan deıinQyzylordada garajdan qymbat kólik urlaǵandar izdestirilip jatqanyn habarlanǵan bolatyn.