Qyzylorda turǵyny Facebook-te qaýeset taratqany úshin 64 myń teńge aıyppul tóleıdi
ASTANA. QazAqparat - Qyzylorda oblysynyń turǵyny áleýmettik jelide dáıeksiz aqparat taratqany úshin 63 630 myń teńge aıyppul tóleıdi, dep habarlady oblystyń ІІD baspasóz qyzmetinen.
«Oblys turǵyny kórshi páterdi tonap jatqany týraly foto qosymshamen tekserilmegen aqparatty «Feısbýkke» jarııalaǵan. Jarııalanǵan materıaldy jedel tekserý barysynda anyqtalǵandaı, áleýmettik jeli paıdalanýshysy eshqandaı dáıekti faktisiz, kórshisiniń aıtýymen aqparatty jelige ornalastyrǵan. QR ÁQtK 438-babyna sáıkes oǵan 30AEK, ıaǵnı 63 630 teńge kóleminde ákimshilik aıyppul salyndy», - dep habarlady ІІD baspasóz qyzmetinen.
Eske salsaq, QR QK 274-babyna sáıkes «Qoǵamdyq tártipti buzý nemese azamattar nemese uıymdardyń quqyqtary men zańdy múddelerine ne qoǵamnyń nemese memlekettiń zańmen qorǵalǵan múddelerine eleýli zııan keltirý qaýpin týdyratyn kórineý jalǵan aqparatty taratqan adamdar QR ÁQtK 438-babyna sáıkes ákimshilik jaýapkershilikke tartylady.
