Qyzylorda turǵyny esirtki tasymaldaımyn dep 10 jylǵa sottaldy
QYZYLORDA. QazAqparat-Qyzylorda oblysynyń qylmystyq ister jónindegi mamandandyrylǵan aýdanaralyq soty 29 jastaǵy sottalýshyǵa qatysty qylmystyq isin qarap, aıyptaý úkimin jarııalady,-dep habarlady QazAqparat tilshisi oblystyq sotqa silteme jasap.
Oral qalasynyń turǵyny sottalýshy óziniń tanysy ekeýi adamdar tobynyń aldyn ala sóz baılasýymen, asa iri mólsherdegi esirtki zatyn satyp alý úshin Qyzylorda qalasyna kelgen.
Bıylǵy jyldyń 24 shildesi kúni Qyzylorda qalasyna kelip, tergeý organdarymen anyqtalmaǵan adamdardan asa iri mólsherde, jalpy salmaǵy 13 394,50 gramm, keptirilgen marıhýanany satyp alǵan. Ony avtokóliktiń jolaýshylar otyratyn artqy oryndyǵyna tyǵyp qoıyp, Oral qalasyna bet alǵan.
Alaıda, Aral aýdanynda ornalasqan «Aral-Shep» beketinde polıtsııa qyzmetkerleri qujattar men avtokólikti tekserý kezinde olardyń Krona atty qyzmettik ıti avtokóliktiń artqy oryndyǵynda esirtki zat bar ekendigin bildirgen.
18 qarasha 2016 jylǵy sot úkimimen sottalýshy Qazaqstan Respýblıkasynyń Qylmystyq kodeksiniń 297-babynyń 3-bóliginiń 1,3-tarmaqtarymen (adamdar tobynyń aldyn ala sóz baılasýymen asa iri mólsherdegi esirtki zattardy ıemdenip, saqtap, tasymaldaý) kináli dep tanylyp, múlki tárkilenip, 10 jylǵa bas bostandyǵynan aıyryldy. Jazasyn qatań rejımdegi túzeý kolonııasynda óteýge dep belgilendi.
Ekinshi adamǵa izdeý jarııalanǵan.Úkim zańdy kúshine engen joq.
