Qyzylorda turǵyny 3 balasyna 7 mln teńgege jýyq alıment tóleýden jaltarǵan
QYZYLORDA. QazAqparat - Qyzylorda oblysynda tórt jyldan beri úsh balasyna 7 mln teńgege jýyq alıment tólemegen turǵyn qylmystyq jaýapkershilikke tartyldy, dep habarlaıdy QazAqparat tilshisi.
Qyzylorda qalasy prokýratýrasy alıment tóleýden jaltarǵan boryshkerlerdi jaýapkershilikke tartý maqsatynda arnaıy jumysshy top qurylǵan. Onyń quramyna quqyq qorǵaý jáne ádilet organdary, jeke sot oryndaýshylar engizilgen.
«Oblys ortalyǵynyń turǵyny 2017 jyldan beri 3 balasyna alıment tóleýden jaltarǵan. Bereshegi 6 989 224 teńgeni quraıdy. Osy maqsatta Qyzylorda qalalyq polıtsııa basqarmasy tarapynan QR Qylmystyq Kodeksiniń 139-babymen qylmystyq is qozǵaldy. Búginde tergep-tekserý amaldary júrgizilýde», - dep málim etti Qyzylorda qalalyq prokýratýrasynan.
Vedomstvo málimetinshe, jumysshy top músheleri alıment óndirý sanatynda bereshegi qalyptasqan óndirilýi qıyndyq týǵyzyp otyrǵan 203 boryshkerdiń turǵyn úıin aralaý arqyly túsindirme jumystaryn júrgizdi. Jaltaryp júrgen 41 boryshkerge Qazaqstan Respýblıkasy Ákimshilik quqyq buzýshylyq týraly kodeksiniń 669-babymen ákimshilik jaýaptylyǵy sheshildi.
