Qyzylorda turǵyny 100 adam jınap toı jasaǵan
Oqıǵa Qyzylorda qalasyna qarasty Qyzyljarma aýylynda tirkeldi. Aýyl turǵyny aýlada úılený toıyn ótkizbek bolǵan. Oǵan 100-den astam adam jınalǵan. Toı qalalyq mobıldi toptyń aralasýymen toqtatyldy.
«Mobıldi top quramynda qalalyq prokýratýra, qalalyq taýarlarmen kórsetiletin qyzmetterdiń sapasy men qaýipsizdigin baqylaý basqarmasy, qala ákimdigi, qalalyq polıtsııa basqarmasy jergilikti polıtsııa qyzmetiniń qyzmetkerleri bar», - dep málim etti Qyzylorda qalasy ákimdiginen.
Mamandar búginge deıin qala aýmaǵynda ornalasqan 9 myńǵa jýyq nysandy aralady. Karantın talaptaryn saqtamaǵan 160 nysanǵa qalalyq taýarlar men kórsetiletin qyzmetterdiń sapasy men qaýipsizdigin baqylaý basqarmasyna tıisti anyqtama joldandy. Olarǵa tıisti shara qabyldandy.
Sondaı-aq, Qyzylorda qalasynda karantın talaptaryn saqtamaǵan kásipkerler jaýapkershilikke tartyldy.