Qyzylorda turǵynnyń kóliginen esirtki men qarý-jaraq tárkilendi
Qyzylorda qalalyq polıtsııa basqarmasynyń patrýldik polıtsııa batalony 35 jastaǵy qala turǵynynyń basqarýyndaǵy «Mitsubishi Space Wagon» avtokóligin toqtatty. Polıtseıler profılaktıkalyq túsindirme jumystaryn júrgizý kezinde avtokóliktiń artqy oryndyǵynda qarý bar ekendigin baıqaǵan. Tekserý barysynda tabylǵan zat esh jerde tirkelmegen qarý bolyp shyqty.
«Oqıǵa ornyna jedel-tergeý toby shaqyrtyldy. Tártip saqshylary kólik ishinen gazet qıyndysyna oralǵan esirtki zatyn, zańsyz qarý jáne 17 patron tárkiledi. Atalǵan derek boıynsha QR Qylmystyq kodekstiń 296-babynyń 2-bóligimen jáne 287-babynyń 3-bóligimen sotqa deıingi tergep-tekserý áreketteri júrgizilýde. Tıisti saraptamalar taǵaıyndaldy», - dep málim etti Qyzylorda oblystyq polıtsııa departamentinen.
Eske salsaq, Qyzylorda oblysynda on aıdyń ishinde 169 esirtki qylmysy anyqtaldy.
