Qyzylorda trassasynda 5 adam mingen kólik kanalǵa qulap ketti
QYZYLORDA. QazAqparat - Qyzylordada bes adam mingen kólik kanaldaǵy sýǵa qulap ketti. Bir adam kóz jumdy, dep habarlaıdy QazAqparat tilshisi.
Oqıǵa búgin, 17 mamyrda saǵat 04.50 shamasynda boldy. Bes adam mingen «Skoda» kóligi «Qyzylorda-Jezqazǵan» trassasy boıyndaǵy kanalǵa qulap ketken.
«Oblystyq Tótenshe jaǵdaılar departamentine túsken atalǵan shaqyrtý boıynsha oqıǵa ornyna jedel qutqarý jasaǵynyń qutqarýshylary dereý jetti. Avtokólik ishinde júrgizýshiden bólek, 4 jolaýshy bolǵany anyqtaldy. Olar jedel járdem qyzmeti arqyly dáriger qaraýyna jóneltildi. Olardyń densaýlyǵy qalypty. Dárigerler tekserýinen ótti. Oqıǵa ornynda 1961 jyly týǵan jolaýshy kóz jumǵany belgili boldy. Qutqarýshylar onyń jansyz denesi men avtokólikti syrtqa shyǵaryp aldy», - dep málim etti oblystyq Órt sóndirý jáne avarııalyq qutqarý jumystary qyzmetiniń baspasóz hatshysy Álııa Erejepova.
Esterińizge sala ketelik, budan buryn Shıelide katamarannan kólge qulap ketken jigit ajal qushty.
Sondaı-aq, Qyzylordada besinshi synyp oqýshysy kanalǵa batyp ketken edi.
