Qyzylorda temirjol ýchaskesinde vagon relsten shyǵyp ketti
ASTANA. 28 qańtar. QazAqparat. Keshe, 27 qańtarda saǵat 11.15-te Qyzylorda oblysy Qazaly - Josaly ýchaskesiniń Tóretam - Dármentóbe aralyǵynda 16 vagonnan quralǵan Aqtóbe-Almaty baǵytyndaǵy №34 poıyzdyń aqaýly vagony relsten shyǵyp ketti,
dep habarlaıdy KKM baspasóz qyzmeti.
Jolaýshylar poıyzy saǵatyna 60 km jyldamdyqpen kele jatqan kezde jol jóndeýshiler Dármentóbe stansysynyń kezekshisi arqyly mashınıstke poıyz quramynyń sońynan sanaǵanda 2-shi vagonynda tarsyl estilgeni týraly habarlady. Poıyzdy toqtatyp teksergen kezde vagonnyń dońǵalaq juptarynda syrǵaqtar tabylǵan. Jolaýshylar basqa vagondarǵa kóshirildi. Poıyz budan ári saǵatyna 3-5 km jyldamdyqpen jaqyn aradaǵy Dármentóbe stansysyna tartty. 100 metrden keıin atalǵan aqaýly vagonnyń 2-shi arbasy joldan shyǵyp ketti.
Qalpyna keltirý jumystaryn júrgizý úshin Qazaly jáne Tóretam stansylarynan qalpyna keltirý poıyzdary jiberildi. Zııan shekkender joq. Vagonnyń relsten shyǵyp ketýi nelikten bolǵany anyqtalyp jatyr.
Oqıǵa bolǵan jerge «QTJ» UQ» AQ basshylary, «Ońtústik» óńiraralyq kóliktik baqylaý ınspektsııasy Qyzylorda oblysyndaǵy bólimshesiniń ókilderi attandy.
