«Qyzylorda-Shymkent» aqyly joly boıyndaǵy eldi mekenderdiń turǵyndaryna jeńildikter bolady

ASTANA. QazAqparat - «Qyzylorda-Shymkent» aqyly joly boıyndaǵy eldi mekenderdiń turǵyndaryna jeńildikter bolady. Bul týraly búgin Ortalyq kommýnıkatsııalar qyzmetindegi baspasóz máslıhatynda «QazAvtoJol» AQ Basqarma tóraǵasynyń orynbasary Ulan Álipov málim etti.

«Qyzylorda-Shymkent» jolyna bıyldyń sońyna deıin aqyly júıe engizilmek. Qazirgi kezde jobalaý-smetalyq jumystar bastaldy. Búginde aqyly júıe engizilgen Astana men Býrabaı aralyǵyndaǵy joldyń boıyndaǵy eldi mekenderdiń turǵyndary úshin abonenttik tólem bar. ıAǵnı, jylyna abonenttik tólem jasap, sonymen júredi. Biz endi ary qaraı da osy júıemen jasaımyz degen josparymyz bar. Atap aıtqanda, «Astana-Býrabaı» joly tájirıbesinde jergilik turǵyndarǵa jeńildikter bolady»,-dedi U. Álipov.

«QazAvtoJol» kompanııasynyń málimetinshe, 2016 jyly «Astana-Atbasar» jolynda júk kólikteri úshin, al «Qyzylorda-Shymkent» jolynda barlyq kólik túrlerine aqyly júıe engizilmek.