Qyzylorda polıtseıleri úsh kún buryn joǵalyp ketken 3 jasóspirimdi tapty
QYZYLORDA. QazAqparat - Qyzylordada joǵalyp ketken úsh jasóspirim tabyldy, dep habarlady QazAqparat tilshisi oblystyq ІІD-ge silteme jasap.
Aqpan aıynyń 7-si kúni Qyzylorda oblysy Syrdarııa aýdandyq ishki ister bólimine 15 jastaǵy 3 jasóspirimniń 6 aqpan kúni úıden shyǵyp, belgisiz baǵytqa ketip qalǵandyǵy jaıly habarlama kelip túsedi.
Shuǵyl izdestirý sharalary júrgizilip, olardyń mektepke dombyra úıirmesine baramyz dep úılerinen shyǵyp ketip, qaıta oralmaǵandary anyqtaldy.
Polıtsııa qyzmetkerleriniń júrgizgen izdestirý sharalarynyń nátıjesinde joǵalǵan jasóspirimder 8 aqpan kúni saǵat 12:30 shamasynda Qyzylorda qalasy Tasbóget kentine qarasty sharýaqojalyǵynda jylqyǵa minip júrgen jerlerinen tabyldy.
Jasóspirimder din aman kúıinde ata-anasyna tapsyryldy.
