Qyzylorda polıtseıleri iz-túzsiz ketken 16 jasar qyzdy on kúnnen beri izdep jatyr
QYZYLORDA. QazAqparat - Qyzylorda oblysynyń polıtsııa departamenti krımınaldyq polıtsııa basqarmasy balalar úıinen joǵalǵan qyzdy áli izdep jatyr, dep habarlaıdy QazAqparat.
Bul jaıynda polıtsııa departamentiniń baspasóz qyzmeti málimet taratty.
Qyzylorda polıtsııasy otbasy úlgisindegi Atameken balalar aýyly úıiniń tárbıelenýshisi 27 tamyz 2004 jyly týǵan Dilda Musabekqyzy Nuǵmanovaǵa izdeý salady.
Dilda Nuǵmanova 25 naýryz kúni túngi 02:00 shamasynda balalar úıinen shyǵyp ketip, qaıta oralmaǵan.
Belgileri: boıy - 175 sm, shashy qara tústi ıyǵynan túsken, kekili sary túske boıalǵan.
Ústinde qara tústi kýrtka, kók tústi djınsy shalbar, aq tústi sporttyq úlgidegi aıaq kıim.
Jasóspirim týraly qandaı da bir aqparat nemese júrgen jeri týraly málimet bilgen jaǵdaıda tómende kórsetilgen telefon nómirlerine habar bergen jón: 8 (7242)-29-70-10, 8(7242)-29-75-20, 8(7242)-29-75-02, 8-705-255-81-25.
Aıta keteıik, buǵan deıin Qyzylordada úsh jasóspirim qyzdyń joǵalyp ketkenin habarlaǵan bolatynbyz. Keıinnen qyzdardy izdeýge eriktiler de qosyldy .
Arada biraz ýaqyt ótkende eki qyz Almaty qalasynan tabyldy.
