Qyzylorda polıtseıleri halyqaralyq izdeýde júrgen eki kúdiktini ustady
Qyzylorda oblysy polıtsııa departamenti krımınaldyq polıtsııa basqarmasynyń qyzmetkerleri Almaty oblysynyń polıtseılerimen birlesip, tergeýden boı tasalap, halyqaralyq izdeýde júrgen Qyzylorda oblysynyń eki turǵynyn Almatydan ustady.
Olar Qazaqstan Respýblıkasy Qylmystyq kodeksiniń 293-baby 3-bóliginiń 2-tarmaǵy (atys qarýyn qoldanyp, jasalǵan buzaqylyq) jáne 24-baby 3-bóligi men 99-babynyń 2-bóliginiń 7,9-tarmaqtary (buzaqylyq nıetpen aldyn ala sóz baılasý arqyly bir top adammen birge óltirýge oqtalǵan) boıynsha qylmys jasaǵan dep aıyptalyp otyr.
Ustalǵan eki kúdikti azamatqa qatysty «kúzetpen ustaý» túrindegi bultartpaý sharasy tańdaldy.
Polıtseıler kúdiktilerdi Almaty qalasy Túrksib aýdanyndaǵy jaldamaly páterlerdiń birinen tapqan.
Qazirgi ýaqytta olar ýaqytsha ustaý ızolıatoryna qamaqqa alyndy.
