Qyzylorda polıtseıleri Gúlshara Ábdiqalyqovany buzaqylardan qalaı qorǵap qaldy

QYZYLORDA. QazAqparat - Qańtardaǵy jappaı tártipsizdik kezinde polıtseıler Qyzylorda oblysynyń ákim Gúlshara Ábdiqalyqovanyń qyzmettik kóligin buzaqylardan qorǵap, qaýipsiz jerge evakýatsııalady, dep habarlaıdy QazAqparat tilshisi.

Bul jóninde oblystyq polıtsııa departamenti taratqan qańtardaǵy jappaı tártipsizdik kezinde Qyzylordada bolǵan jaǵdaı jónindegi beınejazbada aıtyldy.

«Jurtshylyqpen júzdesýge oblys ákimi Gúlshara Ábdiqalyqova keldi. Alaıda kelissóz sátsiz aıaqtalyp, agressıvti adamdar eshkimge qulaq asqan joq. Bul azamattar ákimdi qorshap alǵan ýaqytta polıtsııa departamentiniń arnaıy bólimsheleriniń kúshimen ákim evakýatsııalandy», - dep málim etti Qyzylorda oblystyq polıtsııa departamentinen.

Mundaı narazylyq Aral qalasynda jalǵasyp, oǵan qatysýshylar respýblıkalyq «Batys Qytaı-Batys Eýropa» tasjoly men temirjol ótkelin jaýyp tastady.

Mundaı áreketter Qazaly men Jalaǵash aýdandarynda kórinis berdi.

Al Jańaqorǵan, Shıeli, Syrdarııa, Qarmaqshy aýdandarynda jınalǵan turǵyndarmen júrgizilgen kelissóz nátıjesinde oqıǵanyń ýshyǵýyna jol berilgen joq.