Qyzylorda polıtseıleri Asanáli Áshimovtiń kóligine qatysty vıdeony túsindirdi

QYZYLORDA. QazAqparat - Qyzylordalyq polıtseıler áleýmettik jelide talqyǵa túsken akter Asanáli Áshimovtiń kóligine qatysty mán-jaıdy túsindirdi, dep habarlaıdy QazAqparat tilshisi.

Bul jóninde oblystyq polıtsııa departamenti baspasóz qyzmeti málimet taratty.

Qyzylorda oblysynyń polıtsııa qyzmetkerleri memlekettik tirkeý belgisi standartqa sáıkes bolmaǵandyqtan «Cadillac» avtokóligin toqtatqan. Onyń vıdeosy áleýmettik jelide tarady.

«Toqtatý barysynda keńestik jáne qazaqstandyq kıno, teatr akteri, rejısser Asanáli Áshimovtiń 85 jyldyǵyna baılanysty derekti fılm túsirilip jatqany belgili boldy. Eskertý jasalǵannan keıin avtokólikke sol jerde tıisti memlekettik nómiri taǵyldy», - dep málim etti departamentten.

Eske salsaq, budan buryn Qyzylorda turǵyny nesıe áperem dep tanysynyń 5,6 mln teńgesin qaltasyna basqan edi.