Qyzylorda onkologııa ortalyǵynda psıhologııalyq qoldaý kórsetý bólmesi ashyldy
Qyzylorda oblystyq onkologııa ortalyǵynyń ǵımaratynda alǵash ret «Patsıentterge psıhologııalyq qoldaý kórsetý bólmesi» ashyldy.
«Patsıentterge psıhologııalyq qoldaý kórsetý bólmesinde qaterli isikke shaldyqqan patsıentterge psıhologııalyq kómek kórsetýmen qatar, túrli oıyndar, sýret salý, boıaý buryshy, artterapııa, mýzykaterapııa syndy demalys oryndary qyzmet kórsetip, emdelýshilerge jaǵdaı jasalady», - dedi oblystyq densaýlyq saqtaý basqarmasynyń basshysy Sábıt Pazılov.
Bul bólme naýqastardyń kúızeliske túspeı, em alýyna kóp kómegin tıgizedi Aldaǵy ýaqytta ortalyqtan ońaltý bólimin ashý josparlanǵan.
Vedomstvo málimetinshe, óńirde onkologııalyq aýrýlardy emdeý, aldyn alý, erte satysynda anyqtaý sııaqty jumystar qarqyndy júrip jatyr.
Atap aıtqanda, bıyl ortalyqta 3368 naýqas em alsa, onyń ishinde táýlik boıǵy statsıonarda 2724, kúndizgi statsıonarda 644 naýqas emdelip shyqqan.
Eske salsaq, budan buryn qyzylordalyq 4 pedagog «Úzdik ustaz» atanyp, 3 mln teńgeniń sertıfıkatyn aldy.
