Qyzylorda oblysynyń jastar saıasaty máseleleri basqarmasynyń basshysy taǵaıyndaldy

QYZYLORDA. QazAqparat - Qyzylorda oblysy ákiminiń ókimimen Meńlibaev Erkebulan Qaıyrbekuly oblystyq jastar saıasaty máseleleri basqarmasynyń basshysy bolyp taǵaıyndaldy, dep habarlady QazAqparat HAA tilshisi oblystyq ákimdikke silteme jasap.

Erkebulan Meńlibaev 1990 jyly dúnıege kelgen. Qorqyt Ata atyndaǵy Qyzylorda memlekettik ýnıversıtetin «Informatıka» mamandyǵy boıynsha bitirgen.

Eńbek jolyn 2008 jyly «Stýdent jastar odaǵy» qoǵamdyq birlestiginiń menedjeri retinde bastaǵan. 2010-2014 jyldary «Jas ǵalymdar alıansy» qoǵamdyq birlestiginiń jáne «Qyzylorda stýdentter alıansy» korporatıvtik qorynyń atqarýshy dırektory, «Nur Otan» partııasy «Jas Otan» jastar qanaty oblystyq fılıalynyń atqarýshy hatshysy boldy. 2014-2015 jyldary Qyzylorda oblysy jastar saıasaty máseleleri basqarmasynyń basshysy. 2015 jyldyń qańtar aıynan oblystyq ishki saıasat basqarmasy basshysynyń orynbasary qyzmetterin atqarǵan.