Qyzylorda oblysynyń Jańaqorǵan aýdany karantınge jabylady
«Qazirgi ýaqytta Qyzylorda oblysynda koronovırýs indetimen aýyrǵan 18 azamat tirkeldi. Jaǵdaı kúrdelene túsýde. Qazirgi tańda bul azamattardyń 5-eýi oblystyq juqpaly aýrýlar aýrýhanasyna, 13-i Janaqorǵan aýdanaralyq aýrýhanasyna jatqyzyldy. Osy naýqastarmen qarym-qatynasta bolǵan 388 adam anyqtaldy. Onyń ishinde 101-i tyǵyz qarym-qatynasta bolǵan. Barlyq azamattar karantındik baqylaýǵa alyndy. Negizinen eń alǵashqy anyqtalǵan adammen qarym-qatynasta bolǵan naýqas arqyly 13 adamǵa vırýs juqqan» - dedi oblys ákimi.
Atap ótilgendeı, búgin jańadan tirkelgen 9 adamnyń 8-i bir úıdiń turǵyndary. Onyń ishinde 3-eýi 14 jasqa deıingi balalar.
«Qazir barlyq qajetti is-sharalar qolǵa alynýda. Qarym-qatynasta bolǵan adamdar anyqtalyp, oqshalanýda. Іndet anyqtalǵan jerler áskerıler men jergilikti mekemeler arqyly zalalsyzdandyrylady. Qalyptasqan jaǵdaıǵa baılanysty Jańaqorǵan aýdanyn karantınge jabý týraly tapsyrma berildi. Kólikterdiń kirip-shyǵýyna barynsha shekteý qoıylýy tıis. Azamattardyń qaýipsizdigi úshin osyndaı sharalar qoldanýymyz qajet», - dedi G.Ábdiqalyqova.
«Qurmetti qyzylordalyqtar, koronovırýs indetiniń taralýynyń aldyn alý talaptaryn qatań saqtaýǵa tıispiz. Qazir kez kelgen adam vırýs juqtyrýy múmkin. Barlyq turǵyndar dertten oqshaýlanǵany durys. Eldi jónsiz dúrliktirmes úshin resmı aqparattarǵa súıenýimiz qajet. Tótenshe jaǵdaı talaptaryn buzǵandarǵa zań aıasynda qatań sharalar qoldanylatynyn eskertemin», - dedi aımaq basshysy.
Óńirdiń Bas sanıtarlyq dárigeriniń qaýlysyna sáıkes 2020 jyldyń 31 naýryzy saǵat 00:00-den bastap, 2020 jyldyń 15 sáýiri saǵat 07:00-ge deıin Qyzylorda qalasynda karantın jáne Qyzylorda oblysy aýmaǵy boıynsha shekteý sharalary engiziledi.
Osy ýaqytta oblysta koronavırýs indetiniń rastalǵan 18 oqıǵasy tirkeldi.