Qyzylorda oblysynyń úsh aýdanynda karantınge qaramastan toı jasalǵan
Qyzylorda oblysynyń taýarlar men kórsetiletin qyzmetterdiń sapasy men qaýipsizdigin baqylaý departamenti mundaı keleńsiz jaǵdaılardyń aldyn alýǵa basa nazar aýdaryp otyr.
Atalǵan zańbuzýshylyqtar Qyzylorda oblysynyń Bas memlekettik sanıtar dárigeriniń qaýlysyna sáıkes qurylǵan mobıldi toptardyń reıdi kezinde anyqtalǵan. Nátıjesinde karantın talaptaryn buzǵan 10 jeke tulǵaǵa ákimshilik aıyppul salyndy.
«Onyń úsheýi úılený toıy men otbasylyq jıyndardy uıymdastyrýǵa qatysty bolyp otyr. Al, jeteýi sanıtarlyq-gıgıenalyq talaptardy oryndamaýyna baılanysty osyndaı jazaǵa tartyldy. Aral, Qazaly jáne Jańaqorǵan aýdandarynyń turǵyndary óńirdegi qatań karantın talaptaryna qaramastan toı jasaǵan. Sondaı-aq, qoǵamdyq tamaqtaný men dúken qyzmetkerleri qorǵanysh quraldaryn kımeı halyqqa qyzmet kórsetken», - dep málim etti Qyzylorda oblysynyń taýarlar men kórsetiletin qyzmetterdiń sapasy men qaýipsizdigin baqylaý departamentinen.
Departament ókilderiniń habarlaýynsha, atalǵan olqylyqtar boıynsha 15 aılyq-eseptik kórsetkish boıynsha aıyppul salyndy.
Onda halyqtyń sanıtarlyq-epıdemıologııalyq salaýattylyǵy salasyndaǵy zańnama talaptarynyń, sondaı-aq gıgıenalyq normatıvterdiń buzylý jaǵdaıy nazarǵa alynǵan.
Eske sala keteıik, buǵan deıin Qyzylordada dári-dármek tapshylyǵy máselesi sheshilip jatqanyn habarlaǵan bolatynbyz.