Qyzylorda oblysynyń sý aıdyndarynda reıdter jalǵasýda
QYZYLORDA.QazAqparat - Aptap ystyqqa baılanysty oblys sý aıdyndarynda demalýshylar kúrt kóbeıdi. Aımaq turǵyndary kóbinese ystyqtan sharshap, jaǵajaıǵa baryp demalady.
Biraq solardyń kóbi qaýipsizdik erejelerin saqtamaıdy, dep habarlaıdy QazAqparat tilshisi.
Sýdaǵy tótenshe oqıǵalardyń aldyn alý maqsatynda Ońtústik óńirlik aeroutqyr jedel-qutqarý jasaǵynyń qutqarýshylary, Qyzylorda oblysy TJD jáne Jergilikti polıtsııa qyzmetiniń qyzmetkerleri ár kún saıyn shomylýǵa ruqsat etilmegen oryndarda demalýshy turǵyndar arasynda profılaktıkalyq baǵytta patrýldik, reıdtik sharalar júrgizip, qaýipsizdik erejelerdi saqtaý týraly belsendi jumys júrgizip, sýǵa ketý qaýpi bar adamdy qutqarý ádisteri men alǵashqy medıtsınalyq kómek kórsetý negizdemeleri týraly áńgime júrgizip, shomylý kezinde qaýipsizdikti saqtaý týraly jadynamalar taratty.
12-13 tamyzda Syrdarııa ózeni, Jańa kópir mańy, Stalınsk kanaldary aýmaǵynda jergilikti polıtsııa qyzmetiniń atty patrýliniń aǵa serjanttary Jeńis Qabylbekov jáne Asqar Quraqbaevtarmen birge Ońtústik óńirlik aeroutqyr jedel qutqarý jasaǵy qutqarýshylary, oblystyq TJD qyzmetkerleriniń qatysýymen reıd ótkizildi.
TJ qyzmetkerleri turǵyndardyń sý aıdyndary jaǵajaıynda demalý kezinde qaýipsizdik erejelerdi saqtaýy jáne balalardy qaraýsyz qaldyrmaý jóninde eskertti.
«Sý qatelikti keshirmeıdi. Ózińizdi jáne jaqyndaryńyzdy qaıǵyly jaǵdaıǵa ushyratpańyz. Sýdaǵy qaýipsizdik erejelerin barynsha qatań saqtańyz», -deıdi qutqarýshylar.
