Qyzylorda oblysynyń soty jańadan taǵaıyndalǵan sýdıalarmen tolyqty

ASTANA. QazAqparat - Qyzylorda oblystyq sotynyń tóraǵasy Nurlan Qaıyrbekov ujymǵa jańadan taǵaıyndalǵan sýdıalardy tanystyrdy, dep habarlaıdy «QazAqparat» HAA.

Qazaqstan Respýblıkasy Prezıdentiniń 2016 jylǵy 30 jeltoqsandaǵy Jarlyǵymen Qyzylorda qalasynyń №2 sotyna jáne Qarmaqshy aýdandyq sotyna sýdıalar Juldyz Jákeeva jáne Ermek Qutybaev taǵaıyndaldy.

J.Jákeeva Qyzylorda oblystyq sotynyń mamany, sot májilisiniń hatshysy qyzmetterin atqarǵan, Qazaqstan Respýblıkasy Prezıdentiniń janyndaǵy Memlekettik basqarý akademııasynda biliktiligin arttyryp, «zań ǵylymdarynyń magıstri» akademııalyq dárejesin alǵan.

E.Qutybaev prokýratýra salasynda qyzmet atqarǵan.

Shara barysynda alǵash taǵaıyndalǵan sýdıalar saltanatty túrde ant qabyldady.

N.Qaıyrbekov jańadan taǵaıyndalǵan sýdıalardy quttyqtap, aldaǵy qyzmetterine tabys pen sáttilik tiledi, dep habarlaıdy oblystyq sottyń baspasóz qyzmeti.