Qyzylorda oblysynyń soty men oblys ákimdigi medıatsııa týraly memorandýmǵa qol qoıyldy
QYZYLORDA. QazAqparat - Qyzylorda oblystyq sotynyń tóraǵasy Nurlan Qaıyrbekov pen oblys ákimi Qyrymbek Kósherbaev daýlardy sotqa deıingi jáne sottan tys retteý ınstıtýttarynyń qoldanýyn keńeıtý jáne jan-jaqty damytý týraly ózara yqpaldastyq týraly memorandýmǵa qol qoıdy. Bul týraly oblys ákimdiginiń baspasóz qyzmeti habarlady.
Memorandýmnyń negizgi maqsaty - halyqtyń daýlardy balamaly tásildermen sheshý suraqtary boıynsha quqyqtyq mádenıeti deńgeıin kóterý.
Kezdesýde Q.Kósherbaev: «Bitimgershilik «Qasym hannyń qasqa joly», «Esim hannyń eski joly», «Jeti jarǵy» sekildi zańdarynan bastaý aldy. Bul zańdar halyqty sózben toqtatyp, talaı qaqtyǵystyń jolyn alyp, daý-janjaldarǵa jol bermegen», - dedi.
Memorandým daýlardy sotqa deıingi jáne sottan tys retteý ınstıtýttarynyń keńeıtýge, sot isin júrgizýde aqparattyq tehnologııalardy keńinen paıdalanýǵa baǵyttalǵan. Oblystyq Dostyq úıinde medıatsııa kabıneti ashyldy», - dedi N.Qaıyrbekov. Ol memorandýmnyń halyq arasynda bitimgershilik rásimderin taratýda óz septigin tıgizetindigine senim bildirdi.
Oblys ákimi oblystyq sottyń bastamasyn qoldap, jeke jáne zańdy tulǵalardyń quqyqtaryn qorǵaý úshin qosymsha jaǵdaı jasaý maqsatynda barlyq bastalǵan isterdi súıemeldeýge ázirligin jetkizdi.
