Qyzylorda oblysynyń sheneýnikteri qoǵamdyq tyńdaýlar men qabyldaýlar ótkizýde

 QYZYLORDA. QazAqparat - Búgin Qyzylordada «Nur Otan» partııasy oblystyq fılıaly saıası keńesiniń keńeıtilgen otyrysy ótti. 

Onda ótken jyldyń qorytyndysy shyǵarylyp, 2017 jyldyń josparlary belgilendi. Bul týraly QazAqparat tilshisi habarlady.

Qyzylorda oblysynyń ákimi, «Nur Otan» partııasy oblystyq fılıalynyń tóraǵasy Qyrymbek Kósherbaev 13 aqpan kúni Qyzylorda qalasy ákiminiń,  barlyq aýyldyq okrýg,  aýdan ákimderiniń halyq aldyndaǵy esepti kezdesýleri ótkenin habarlady.

Málim etilgendeı, 1 aqpannan bastap oblys ákiminiń orynbasarlary eń ózekti máseleler boıynsha qoǵamdyq tyńdaýlar ótkizýde. Al 31 qańtardan bastap basqarmalar men departamentterdiń  basshylary qoǵamdyq qabyldaýlar uıymdastyrýda.
«31 qańtarda Elbasynyń «Qazaqstannyń úshinshi jańǵyrýy: jahandyq básekege qabilettilik» atty Joldaýy jarııalandy. Bizdiń maqsatymyz - oblystyń barlyq turǵynyn qamtıtyn keń aýqymdy túsindirý jumystaryn júrgizý»,- dedi Q.Kósherbaev. 
Shara barysynda partııanyń oblystyq fılıalynyń saıası keńes músheleri oblys ákiminiń aǵymdaǵy jylǵy daǵdarysqa qarsy is-qımyl josparyna usynystaryn engizdi.