Qyzylorda oblysynyń onomastıka salasyndaǵy jumystary úzdikter qatarynda baǵalandy
Jambyl oblysynyń ortalyǵy - Taraz qalasynda QR Mádenıet jáne sport vıtse-mınıstri N.Dáýeshovtiń tóraǵalyǵymen «Ulttyq onomastıka: Іzdenis pen tájirıbe» atty respýblıkalyq semınar ótti.
Semınar barysynda onomastıka salasyndaǵy ózekti máseleler talqylanyp, osy saladaǵy óńirlerdiń qyzmetin jetildirý boıynsha usynystar ázirlendi.
Semınarda QR Úkimeti janyndaǵy Respýblıkalyq onomastıka komıssııasy maquldaǵan onomastıka jumysyn uıymdastyrý jónindegi ádistemelik usynystar nazarǵa alyndy. Sondaı-aq, ıdeologııalyq turǵydan eskirgen ataýy bar eldi mekender men olardyń quramdas bólikterin qaıta ataý jónindegi 2022-2025 jyldarǵa arnalǵan Jol kartasy tanystyryldy. Bul baǵytta túsindirý jumystary júrgizildi.
Respýblıkalyq semınar barysynda salany damytý jáne óńirlerdegi nátıjeli jumystar men ozyq tájirıbeler týraly ádistemelik nusqamalar berilip, úzdikter marapattaldy.
Qyzylorda oblysynyń onomastıka salasyndaǵy jumystary úzdikter qatarynan tabyldy.
Oblystyq ishki saıasat basqarmasynyń basshysy Mıra Qazbekovaǵa QR Mádenıet jáne sport mınıstri A.Raıymqulovanyń Alǵys haty tabystaldy.
Eske salsaq, «Rýhanı jańǵyrý» baǵdarlamasy boıynsha Qyzylorda oblysynyń tájirıbesi óńirlerge tanystyryldy.
