Qyzylorda oblysynyń munaı eksporty kvotasyn ulǵaıtýǵa áli erte
«2021 jyly aıaqtalǵan «Keńqııaq-Atyraý» munaı qubyrynyń reversi Atyraý jáne Mańǵystaý oblystarynyń ken oryndarynan jetkizilimderdi ulǵaıtý esebinen Qyzylorda jáne Aqtóbe oblystarynyń jer qoınaýyn paıdalanýshylarynan ishki naryqqa munaı jetkizý úlesiniń teńgerimsizdigin tómendetýge múmkindik berdi. Nátıjesinde Qyzylorda oblysynyń jer qoınaýyn paıdalanýshylarynyń ishki naryqqa munaı jetkizý kólemi boıynsha júkteme koeffıtsıenti 2020 jylǵy 84,7 paıyzdan osy jyldyń 1-toqsanynyń qorytyndysy boıynsha 72 paıyzǵa deıin josparly túrde tómendedi», - dep atap ótedi Úkimet basshysy jaýabynda.
Bul rette Premer-Mınıstr Energetıka mınıstrligi «QazMunaıGaz» AQ jáne «SNPS» AQ-men birlesip, «Keńqııaq-Atyraý» munaı qubyrlarynyń ótkizý qabiletin 6-dan 12 mln tonnaǵa deıin jáne «Keńqııaq-Qumkól» munaı qubyrlarynyń ótkizý qabiletin 10-nan 15 mln tonnaǵa deıin odan ári keńeıtý máselelerin pysyqtap jatqanyn aıtady. Bul bolashaqta joǵaryda atalǵan teńgerimsizdikti qysqartýǵa yqpal etetin bolady.
«Tutastaı alǵanda, munaı ónimderiniń tapshylyǵyna jol bermeý eldiń energetıkalyq qaýipsizdigin qamtamasyz etý jónindegi strategııalyq mindet, al munaıdy ishki naryqqa jetkizý ony iske asyrýdyń basym baǵyty bolyp tabylatynyn atap ótý qajet. Osyǵan baılanysty qazirgi jaǵdaılarda Qyzylorda oblysynyń jer qoınaýyn paıdalanýshylary úshin munaı eksportynyń kvotasyn ulǵaıtý máselesin qaraýǵa áli erte dep paıymdaımyz», - dedi Álıhan Smaıylov.
