Qyzylorda oblysynyń memorgandarynda qansha bos oryn bar

Bul týraly búgin Astanada ótken brıfıngte QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń atalǵan oblys boıynsha departament basshysy Abzal Muhımov málim etti, dep habarlaıdy QazAqparat.

«Búginde oblystaǵy memlekettik organdarda 175 bos oryn bar. Qazirgi kezde osy bos laýazymdardy toltyrý boıynsha tıisti jumystar atqarylý ústinde»,-dedi Muhımov.

Onyń aıtýynsha, 2016 jyly 1223 bos laýazymǵa konkýrstar ótkizildi. Nátıjesinde, 714 bos laýazym boıynsha jeńimpazdar anyqtaldy.

Sonymen qatar departament basshysy Qyzylorda oblysyndaǵy memlekettik qyzmetshilerdiń shtat sany  3756 adamdy quraıtynyn, onyń jeteýi saıası, 14-i «A» korpýsynyń jáne 3735-i - «B» korpýsynyń memlekettik ákimshilik qyzmetshileri ekenin atap ótti.

A.Muhımov «B» korpýsy memlekettik ákimshilik qyzmetshilerin keshendi attestattaýdyń oblysta ótkizilý barysy týraly da aıtty.

«Oblys boıynsha 2697 «B» korpýsynyń  memlekettik ákimshilik qyzmetshisi keshendi attestattaýdan ótedi. Qazirgi ýaqytta attestattaýǵa jatatyn qyzmetshilerdiń tizimi jasaqtalyp, testileýden ótý jelilik kestesi ázirlendi»,-dedi departament basshysy.

Kestege sáıkes, birinshi deńgeıde - 42, ekinshi deńgeıde - 1324,úshinshi deńgeıde -1331 qyzmetshi qamtylady. Oblys boıynsha testileýden 1 kúnde 84 adam ótedi dep josparlanyp otyr. Sonymen qatar, attestattaýdan oblys boıynsha 864 memqyzmetshi bosatyldy.