Qyzylorda oblysynyń memlekettik sáýlet-qurylys baqylaýy basqarmasynyń basshysy taǵaıyndaldy

QYZYLORDA. QazAqparat - Qyzylorda oblysy ákiminiń ókimimen Marsbek Moldabaev Qyzylorda oblysynyń memlekettik sáýlet-qurylys baqylaýy basqarmasynyń basshysy laýazymyna taǵaıyndaldy. Bul týraly QazAqparat HAA tilshisi habarlady.

Marsbek Rústemuly 1963 jyly týǵan. Jambyl gıdromelıoratıvtik qurylys ınstıtýtyn «ınjener-qurylysshy» jáne Qyzylorda ınjenerlik-ekonomıkalyq ınstıtýtyn «qarjy bakalavry» mamandyqtary boıynsha bitirgen.

Eńbek jolyn 1981 jyly «Qyzylorda elektr jelisi» kásipornynda elektr slesary retinde bastaǵan. Eńbek jolynda memlekettik qyzmet salasy men jeke sektorda jaýapty basshylyq qyzmetter atqarǵan.
2016 jyldyń tamyz aıynan - Qyzylorda qalasy ákiminiń orynbasary bolyp qyzmet istedi.