Qyzylorda oblysynyń mádenı kúnderinde Astanaǵa ǵaryshtan sálem joldanady
ASTANA. QazAqparat - «EKSPO-2017» halyqaralyq mamandandyrylǵan kórmesi aıasynda Astanada Qyzylorda oblysynyń kúnderi ótýde, dep habarlaıdy QazAqparat.
Shara aıasynda elordada Syr óńiriniń qolóner sheberleriniń kórmesi, spektaklder men kontsertter, aýyl sharýashylyǵy ónimderiniń jármeńkesi jáne ulttyq sport túrlerinen jarystar uıymdastyrylady.
Mádenı kúnderdiń ashylýy 10 tamyz kúni «Qazanat» ıppodromyndaǵy etnoaýylda ótken bolatyn. Onda baı tarıhy men mádenıetin kórsetetin «Syr shejiresi» kórmesi ashylyp, biregeı eksponattar qoıyldy.
Al búgin «Qazaqstan» sport saraıy mańyndaǵy alańda Qyzylorda oblysy aýyl sharýashylyǵy ónimderiniń jármeńkesi ótip jatyr. Syr boıynyń óndirýshileri Astanaǵa 15 júk kóligimen kúrish, et, sút ónimderi, balyq, kókónis, baqsha daqyldary syndy 270 tonna ónim ákeldi. Qala turǵyndary 30-dan astam aýyl sharýashylyǵy ónimderin deldalsyz tikeleı satyp alýda.
Sondaı-aq, 12-13 tamyz kúnderi «Syr samaly» ansambliniń, Turmaǵambet atyndaǵy halyq aspaptar orkestri men dástúrli oryndaýshylardyń jáne «Aqmeshit» folklorlyq ansambliniń kontsertteri uıymdastyrylady. «Qazanat» ıppodromynda qyz qýý, kókpar, teńge ilý, aýdaryspaq, jamby atý, toǵyzqumalaq, asyq atý jáne qazaq kúresinen saıystar uıymdastyrylyp, qazaqy tazylardyń kórmesi ótedi.
14 tamyz kúni «EKSPO-2017» kórmesiniń amfıteatrynda «Syrdarııa-Jyrdarııa» atty mádenı kúnderdiń qorytyndy gala-kontserti ótedi. Onda Mádına Sádýaqasova, Almas Kishkenbaev, Serik Ibragımov syndy estrada juldyzdary óner kórsetedi .
Taǵy bir aıta keterligi, gala-kontsert aıasynda halyqaralyq ǵarysh stantsııasyndaǵy 52-ekspedıtsııa ekıpajymen telekópir ornatylyp, ǵaryshkerler - Fedor ıÝrchıhın men Sergeı Rıazanskıı Astana turǵyndary men qonaqtaryna ǵaryshtan sálem joldaıdy.
