Qyzylorda oblysynyń qorǵanys isteri departamenti eks-bastyǵyna qatysty sot ótip jatyr
ShYMKENT. QazAqparat - Shymkent garnızony áskerı sotynda Qyzylorda oblysynyń burynǵy qorǵanys isteri departamenti bastyǵy men onyń úsh qyzmetkeriniń qylmystyq isteri qaralyp jatyr. Ýaqytsha tergeý abaqtysyna qamalǵan departament basshysy alaıaqtyq jasaǵany jáne birneshe ret para alǵany úshin aıyptalýda, dep habarlaıdy QazAqparat tilshisi.
Áskerı qyzmetshi aǵymdaǵy jyldyń 4 qańtarynda Sybaılas jemqorlyqqa qarsy is-qımyl ulttyq bıýrosynyń Qyzylorda oblysy boıynsha departamenti qyzmetkerlerimen ustalǵan bolatyn. Ol kezde departament basshysy 600 myń teńge kóleminde para aldy degen kúdikke ilingen. ıAǵnı, 2017 jyldyń qarasha -jeltoqsan aılary arasynda qol astyndaǵylardan júıeli túrde 20 myńnan 150 myń teńgege deıingi kólemde para aldy dep aıyptalǵan. Aqshany qaramaǵyndaǵylarǵa áskerı ataq alyp berý úshin jáne tártiptik jaýapkershilikten bosatý úshin alǵany belgili bolǵan. Qylmystyq is birneshe aıǵa sozylyp, seziktiniń sybaılastary da anyqtaldy. Úsh áskerı qyzmetker de Qylmystyq kodekstiń paramen baılanysty baptarymen aıyptalyp otyr.
«Qylmystyq is boıynsha qorǵanys isteri departamentiniń taǵy úsh qyzmetkeri para bergen jáne para alýǵa kómektesken dep aıyptalyp otyr. Qazir bul kúdiktilerge qatysty tergeý amaldary aıaqtalyp, qylmystyq is úsh bappen sotqa ótti. Sot otyrysy sýdıa Bórlibaı Kaıýpovtyń tóraǵalyǵymen qaralýda», delingen sottyń baspasóz qyzmeti taratqan habarlamada.
