Qyzylorda oblysynyń Qarmaqshy aýdanynda Syrdarııa arnasynan asty
QYZYLORDA. QazAqparat - Aǵymdaǵy jyldyń 21 naýryzynda Syrdarııanyń Qarmaqshy aýdany aýmaǵynan muz júrý kezinde seń keptelisi bolyp, ózen arnasyndaǵy sý deńgeıi kóterildi. Nətıjesinde Daldabaı eldi mekeni tusyndaǵy «Josaly-Jalaǵash» tasjoly boıyndaǵy kópir jáne joldyń shamamen 500 m aýmaǵynyń ústin sý basty. Bul týraly QazAqparat tilshisi habarlady.
Sýdyń tasýynan shyǵyn kelmedi, ıaǵnı jol nemese kópir buzylǵan joq.
Oblystyq jumyldyrý daıyndyǵy basqarmasynyń basshysy Serik Sermaǵambetov sý deńgeıiniń tómen túskenin, ózen arnasynda muz júrip jatqanyn habarlady.
Oblys aýmaǵynan muz júrý protsesi ótken aıdyń 26-da bastalǵan bolatyn. Búgingi tańǵa deıin 780 shaqyrym júrip, eshqandaı tótenshe jaǵdaı bolǵan joq. Búgingi jaǵdaıǵa baılanysty Daldabaı eldi mekeniniń tusynda, 780-shi shaqyrymynda muz keptelisiniń saldarynan ózen arnasynan shyǵyp, Jalaǵash- Qarmaqshy tasjolynyń ústine shyqty. Qazirgi tańda ol jer ýaqytsha jabylyp tur. Sý 30 sm tómen tústi. Muz júrý protsesi jalǵasýda. Qazir Qarmaqshy aýdanynyń Dúr Ońǵar eldi mekeniniń tusynan ótip ketti. Erteńge deıin jol ashylady.
21 naýryzdaǵy jaǵdaı boıynsha oblys aýmaǵyna sekýndyna 160 tekshe metr sý kelýde. Qyzylorda sý torabynan sekýndyna 170 tekshe metr sý ótýde.
Qazirgi kezde Jańaqorǵan, Shıeli, Syrdarııa, Jalaǵash aýdandary men Qyzylorda qalasy aýmaǵyndaǵy ózen arnasy muzdan tolyq tazardy.
