Qyzylorda oblysynyń ІІD-ne jańa basshy taǵaıyndaldy

ASTANA. QazAqparat - Búgin QR Іshki ister mınıstriniń birinshi orynbasary polıtsııa general-leıtenanty Marat Demeýov Qyzylorda oblysy ІІD-niń jańa bastyǵyn jeke quramǵa tanystyrdy. Bul týraly mınıstrliktiń baspasóz qyzmeti habarlady.

QR Іshki ister mınıstriniń buıryǵymen Qyzylorda oblysy ІІD bastyǵynyń laýazymyna polıtsııa polkovnıgi Qaırat Bolatuly Muhıtov taǵaıyndaldy. 
Qaırat Bolatuly Ontústik Qazaqstan oblysynda dúnıege kelgen.  Іshki ister organdaryndaǵy qyzmetin 1983 jyly bastaǵan. 1987 jyly QR ІІM Qaraǵandy joǵary mektebin támamdaǵan. 
Ár jyldary jedel qyzmetterde basshylyq laýazymdarda jumys istedi. Sońǵy laýazymy  QR Іshki ister mınıstrliginiń Ákimshilik polıtsııa komıteti tóraǵasynyń orynbasary.
Marat Demeýov jańada taǵaıyndalǵan oblystyq polıtsııa basshysyna  onyń kásibı jáne jeke qasıetterin atap kórsete otyryp, jemisti eńbek tiledi.