Qyzylorda oblysynyń eks-ákimi men birqatar laýazymdy tulǵalar tergelip jatyr

NUR-SULTAN. QazAqparat - Qyzylorda oblysy ákimdiginiń laýazymdy tulǵalaryna qatysty tergeý júrgizip jatyr. Bul týraly onlaın brıfıng barysynda QR Sybaılas jemqorlyqqa qarsy is-qımyl agenttiginiń 1-shi departamentiniń aǵa tergeýshisi Danııar Bıǵaıdarov aıtty, dep habarlaıdy QazAqparat tilshisi.

«Sybaılas jemqorlyqqa qarsy qyzmet shynymen de Qyzylorda oblysy ákimdiginiń laýazymdy tulǵalaryna qatysty tergeý júrgizýde. Qazaqstan Respýblıkasynyń Qylmystyq-protsessýaldyq kodeksiniń 201-babyna sáıkes jáne tergeý múddesine baılanysty sotqa deıingi tergep-tekserýdiń málimetteri jarııa etilmeıdi. Sotqa deıingi tergeý jalǵasýda», - dedi Danııar Bıǵaıdarov.