Qyzylorda oblysynyń dıqandary sýdy tıimdi paıdalaný jolyn qarastyrady
Túrkistan oblysynyń ákimdigi Shardara qalasyn sapaly aýyz sýmen qamtamasyz etý úshin Úkimetke hat joldaǵan edi. Onda «Shardara» sý qoımasynan tómenge jiberiletin sý kólemin sekýndyna 500 tekshe metrden 250 tekshe metrge deıin azaıtý máselesi kóterilgen.
«Shardaradan» tómenge qaraı 1-5 tamyz aralyǵynda sekýndyna 450 tekshe metr sý jiberilýde. Bul jaǵdaıdy burynǵydan da kúrdelendiredi. Ony sheshý úshin Úkimet deńgeıinde jumys jasaldy. Apta basynda QR Ekologııa jáne tabıǵı resýrstar mınıstri Zýlfııa Súleımenova, Túrkistan oblysynyń ákimi Darhan Satybaldy, Qyzylorda oblysy ákiminiń birinshi orynbasary Serik Qojanııazov Ózbekstan Respýblıkasynda bolyp, «Shardara» sý qoımasyna joǵarydan qosymsha sý berý týraly kelisimge keldi. Memleket basshysy men Úkimettiń qoldaýymen aldaǵy ýaqytta «Shardaraǵa» joǵary bólikten sekýndyna qosymşa 150 tekshe metr sý túsedi dep kútilýde. Endigi kezekte biz óz tarapymyzdan az sýdy ysyrapsyz, tıimdi paıdalanýdyń barlyq sharasyn qarastyrýymyz kerek», - dedi Nurlybek Nálibaev.
2023 jyldyń 1 tamyzyndaǵy jaǵdaı boıynsha «Shardara» sý qoımasyna joǵarydan sekýndyna 103 tekshe metr sý túsip, sý kólemi 1,4 mlrd. tekshe metrdi qurady. Tómenge sekýndyna 450 tekshe metr sý tastalyp, oblys shegine 480 tekshe metr kóleminde kelýde. Osy sýdyń 370 tekshe metri egistikke magıstraldi kanaldar arqyly berilýde.
Ótken jylmen salystyrǵanda sý qoımasyndaǵy sý kólemi 704 mln tekshe metrge az. Odan joǵary ornalasqan sý qoımalaryndaǵy sýdyń kólemi 2,6 mlrd tekshe metrge kem.
Endi Qyzylorda oblysynda aýdandar bekitilgen kestege sáıkes 88,1 myń gektar kúrish alqabynyń sýyn bıylǵy 1 tamyz-9 qyrkúıek aralyǵynda tartady.
