Qyzylorda oblysynyń bes aýylynda ákim saılaýy ótip jatyr
Olardyń qatarynda Aral aýdanynyń Atanshı, Qazaly aýdanynyń Basyqara, Syrdarııa aýdanynyń Aıdarly, Shıeli aýdanynyń Kerdeli, Qyzylorda qalasynyń Qyzyljarma aýyldary bar. Atalǵan eldimekenderde saǵat 7.00-den №3, 82, 171, 298, 172, 254, 370 saılaý ýchaskesi ashyldy. Ákim qyzmetine nıetti azamattardyń basym bóligi saıası naýqanǵa ózin-ózi usyný tártibimen túsken.
Saılaýǵa alǵash bolyp kelgen araldyq qart ana Quttybeke Razaqova Atanshı aýylynyń gúldenýine árbir azamat úles qosýǵa nıetti ekenin, al saılanatyn ákim turǵyndardyń talap-tilegin eskerýi tıis ekenin aıtty.
Aýyldyq okrýgte 246 saılaýshy tirkelse, Basyqarada 706, Aıdarlyda 827, Kerdelide 1687 saılaýshy bar. Al, Qyzyljarma aýyldyq okrýginde 6297 saılaýshy tirkelgen.
Jalpy alǵanda, 5 aýyldyń ákimi bolýǵa nıetti barlyǵy 13 kandıdat saılaýǵa tústi. Olardyń 10-y ózin-ózi usyný jolymen saılaýǵa tússe, 3 kandıdat partııa atynan usynylǵan.
Eske salsaq, Prezıdent tapsyrmasy aıasynda endi aýdan, oblystyq mańyzy bar qala ákimderi saılanady. Jergilikti máslıhat sheshimimen 5 qarasha kúni pılottyq Syrdarııa, Shıeli aýdany ákimderiniń saılaýy ótedi.
