Qyzylorda oblysynyń Bas sanıtarııalyq dárigeriniń jańa qaýlysy shyqty

QYZYLORDA. QazAqparat - Qyzylorda oblysynyń Bas memlekettik sanıtarııalyq dárigeriniń jańa qaýlysy shyqty. Bilim mekemelerindegi oqý formatyna qatysty shekteýler alynyp tastaldy, dep habarlaıdy QazAqparat tilshisi.

Atalǵan qaýlyda QR Bas memlekettik sanıtarııalyq dárigeriniń 2022 jylǵy 21 qańtardaǵy №4 qaýlysy negizge alynǵan.

Qujatqa sáıkes, mektepke deıingi uıymdarda oqýshylardyń bilim alýy («qyzyl», «sary», «jasyl» aımaqtarda) ata-analardyń ótinishteri boıynsha shtattyq formatta ótkiziledi.

Jalpy bilim berý mektepterinde 1-4 bastaýysh synyptar (halyqaralyq mektepterde 1-6-synyptar), oqýshylar sany 600-ge deıingi mektepter, oqýshylar sany 600-den asatyn mektepter jobalyq qýatynyń 50%-nan aspaıtyndaı; mektepten tys uıymdar («qyzyl», «sary», «jasyl» aımaqtarda) shtattyq formatta oqıdy.

«Al joǵary oqý oryndarynda jáne kolledjderde («qyzyl» aımaq) bilim alý aralas formatta bolady. ıAǵnı, praktıkalyq, zerthanalyq, semınar sabaqtar, óndiristik praktıka ıkemdi keste boıynsha shtattyq rejımde bolsa, dáris onlaın júrgiziledi.

Bilim berý uıymdarynyń ákimshisiniń qalaýy boıynsha vaktsınatsııanyń tolyq kýrsyn alǵan mektep oqýshylaryn shtattyq formatta oqytýǵa jol beriledi. Qyzylorda oblysynyń Bas memlekettik sanıtarııalyq dárigeriniń 2022 jylǵy 14 qańtardaǵy №1 Qaýlysyndaǵy oqý formatyna qatysty shekteýler alynyp tastaldy», - dep málim etti oblystyq Sanıtarııalyq-epıdemıologııalyq baqylaý departamentiniń baspasóz qyzmeti.