Qyzylorda oblysynyń ákimi sportshylardy qabyldady
QYZYLORDA. QazAqparat-Oblys ákimi Qyrymbek Kósherbaev Aqtóbede ótken "Aq bıdaı" respýblıkalyq VI aýyl sporty oıyndarynyń júldegerlerin qabyldady. Shara barysynda óńir basshysy sportshylardy jeńisterimen quttyqtady, dep habarlaıdy QazAqparat tilshisi.
"Aq bıdaı" aýyl sporty oıyndarynda Qyzylorda oblysy 174 upaımen 3-oryndy ıelendi. Qazaq kúresi jáne toǵyzqumalaqtan Syr sportshylary 1-oryndardy ıelense, gir sporty jáne Prezıdenttik kópsaıysta júldeli oryndarǵa qol jetkizip, komandanyń alǵa shyǵýyna óz úlesterin qosty.
Eske salaıyq, «Aq bıdaı» aýyl sporty oıyndary tórt jylda bir ret ótkiziledi. Bıyl ol Aqtóbe oblysynda ótti . Dodaǵa elimizdiń ár óńirinen 1300 sportshy qatysyp, bir apta boıy sporttyń 14 túrinen synǵa tústi.
Nátıjesinde, jalpy komandalyq esepte I oryndy Ońtústik Qazaqstan oblysy, II oryndy Aqtóbe oblysy, III oryndy Qyzylorda oblysy jeńip aldy.
«Aq bıdaı» respýblıkalyq VII aýyl sporty oıyndary 2021 jyly Mańǵystaý oblysynda ótedi.
