Qyzylorda oblysynyń ákimi soǵys ardageri Ábdiraýyq Satybaldıevtiń úıine bardy

QYZYLORDA. QazAqparat- Qyzylorda oblysynyń ákimi Qyrymbek Kósherbaev ardager Ábdiraýyq Satybaldıevti Jeńis kúnimen shańyraǵyna quttyqtap bardy.

Qazan aıynda Ábdiraýyq aqsaqal 92 jasqa tolady. 1942 jyly ol Keńes Áskeri qataryna shaqyrylyp, serjant shenin alady. Sodan soń 361 dıvızııa quramynda Lenıngradty azat etýge qatysty. 1945 jyly Japonııada soǵysqa qatysyp, Haılar qalasynan jeńispen oraldy.

Oblys ákimi ardagerdi merekemen quttyqtady, zor densaýlyq tilep,  arnaıy syılyq tapsyrdy.

Aıta keteıik, mamyr aıynyń alǵashqy jartysynda Qyzylorda oblysynda Jeńis kúnine arnalǵan kóptegen is-sharalar ótkiziledi. Atap aıqanda, kitap kórmeleri, ıntellektýaldyq oıyndar, Qarttar úıinde soǵys týraly fılmder kórsetilip, ardagerlermen kezdesýler uıymdastyrylady. Sondaı-aq 9 mamyr kúni «Taǵzym» alańynda áskerı sherý ótedi.