Qyzylorda oblysynyń ákimi polıtseılerge jańa kólikter syılady
QYZYLORDA. QazAqparat - Ótken jyldyń 1 qańtarynan bastap qurylǵan jergilikti polıtsııa qyzmetiniń materıaldyq-tehnıkalyq bazasyn nyǵaıtýda oblys basshylyǵy jan-jaqty jaǵdaı jasap, qoldaý kórsetip keledi.
Osy maqsatta aımaq bıýdjetinen 670 mln. teńge bólingen bolatyn.
Bıyl atalǵan qarjyǵa 2 avtobýs, 2 GAZel jáne 7 «Nıva» kólikteri satyp alyndy.
Osyǵan oraı, 2 naýryzda jergilikti polıtsııa qyzmetiniń alańynda ótken saltanatty sharaǵa Qyzylorda oblysynyń ákimi Qyrymbek Kósherbaev arnaıy kelip, sap túzegen qyzylordalyq polıtseılerge joǵaryda atalǵan avtokólikterdiń kiltterin tabys etti, dep habarlady QazAqparat HAA tilshisi.
Saltanatty shara barysynda aımaq basshysy kez kelgen aımaqtyń damý deńgeıi onyń qoǵamdyq tártibiniń turaqtylyǵymen jáne azamattardyń quqyǵyn qamtamasyz etýimen aıqyndalatynyn basa aıtty. Qoǵamdyq tártipti saqtaýda, qylmyspen kúreste polıtsııa qyzmetkerleri aldyńǵy sapta turatyndyǵyn atap ótip, búgingi kórsetilgen qoldaý olardyń halyq aldyndaǵy mindetterin esh kedergisiz, adal oryndaýlaryna oń áserin tıgizetinine senim bildirdi.
Sonan soń aımaq basshysy Qyzylorda oblysy Іshki ister departamentiniń jumysymen, materıaldyq-tehnıkalyq bazasymen, qyzmetkerlerdiń qyzmettik-kásibı daıarlyǵymen tanysty.
