Qyzylorda oblysynyń ákimi koronavırýske qarsy vaktsına saldyrdy
QYZYLORDA. QazAqparat - Qyzylorda oblysynyń ákimi Gúlshara Ábdiqalyqova qalalyq №3 emhanada koronavırýs ınfektsııasyna qarsy reseılik «Spýtnık V» vaktsınasyn saldyrdy, dep habarlaıdy QazAqparat tilshisi.
Aıta keteıik, óńirde alǵashqy kezeńde 80 myń doza vaktsına salynady dep kútilýde. Búginde aımaqqa atalǵan vaktsınanyń 1000 dozasy jetkizilgen. Qalǵany kezeń-kezeńimen tolyqtyrylady. Oǵan oblys ortalyǵyndaǵy №1, №3 jáne №6 emhanalardan 3 egý kabıneti daıyndalǵan. Ekpe salýǵa oblys boıynsha barlyǵy 133 meıirbıke tartylǵan.
«Dárigerler ekpeden keıin ıne salynǵan orynǵa sý tıgizbeýge jáne egý ornyn jyly ustaýǵa keńes berdi. Endi soǵan sáıkes áreket etetin bolamyn. Dúnıejúzin dúrbeleńge salǵan indettiń betin tek ekpe saldyrý arqyly ǵana tómendete alamyz. Sol sebepti barsha halyqty ekpe saldyrýǵa shaqyramyn», - dedi oblys ákimi Gúlshara Ábdiqalyqova.
Oblysta ekpe egý sharasynyń birinshi kezeńinde medıtsına salasynyń qyzmetkerlerine salynady dep josparlanǵan. Onyń ishinde qabyldaý, juqpaly aýrýlar bóliminiń, jansaqtaý jáne hırýrgııalyq bólim qyzmetkerlerine júrgizilmek.Al ekinshi kezeńde muǵalimderge jáne juqtyrý qaýpi neǵurlym joǵary bolyp sanalatyn mamandyq ıelerine salynady.
Esterińizge sala ketelik, budan buryn Qyzylorda oblysy ákiminiń orynbasary koronavırýsqa qarsy vaktsına aldy.
Sondaı-aq, Qyzylordada birqatar basshylarǵa qaterli qaýipti vırýsqa qarsy ekpe salyndy.
