Qyzylorda oblysynyń ákimi Gúlshara Ábdiqalyqova «Qazaq radıosy»-na suhbat berdi
«Memleket basshysynyń tapsyrmasyna sáıkes qabyldanyp jatqan daǵdarysqa qarsy sharalardyń arqasynda qıyndyqtardy sheshýdemiz. Óńirde 9 aıdyń qorytyndysy boıynsha óńdeý ónerkásibinde jáne aýyl sharýashylyǵynda oń dınamıka baıqalady. Jumys istep turǵan shaǵyn jáne orta kásipkerlik sýbektileriniń sany ósti. Daǵdarysqa qaramastan, oblys ekonomıkasyna 181 mlrd teńgeden astam ınvestıtsııa salyndy. Jumyssyzdyq deńgeıi men baǵa ındeksi búginde bizde ortasha respýblıkalyq kórsetkishten de tómen. Bul rette jalaqynyń da, jalpy halyq tabysynyń da ósýi baıqalady», – dedi G.Ábdiqalyqova.
Munan soń óńir basshysy koronavırýs indetiniń bolýy múmkin ekinshi tolqynyna daıyndyq barysyn da sóz etti.
«Іndetpen kúresý úshin ókpeni jasandy jeldetý (IVL) apparatyn 244-ke jetkizdik. 9 PTR, 60 rentgen apparaty, 682 ottegi kontsentratory bar. Sonymen birge dári-dármektiń eki aılyq qoryn jasaqtadyq. Turaqtandyrý qory arqyly dárilik zattardy alýǵa 488 mln teńgege qarjy bóldik. 200 tósektik jańa modýldik ınfektsııalyq aýrýhananyń qurylysy aıaqtalady, kópbeıindi oblystyq aýrýhanada ottegi stantsııasy salynǵan. Atalǵan stantsııanyń qurylysy Qazaly aýdanaralyq aýrýhanasynda da aıaqtalýda», - dedi oblys ákimi.
Suqbat barysynda oblys ákimi G.Ábdiqalyqova Memleket basshysy Q.Toqaevtyń 2020 jyldy «Volonter jyly» dep jarııalaǵanyna baılanysty respýblıka boıynsha osy jyldyń basynda alǵashqylardyń biri bolyp 700-ge jýyq eriktini biriktiretin «Syr eriktileri shtaby» qurylǵanyn jetkizdi.
Pandemııa shyńy kezinde Syr eriktileri 8,5 myń otbasyna kómek kórsetti, 5 myńǵa jýyq muqtaj otbasylardyń oqýshylaryna mektep kerek-jaraqtary tabys etti. Medıtsına qyzmetkerleriniń otbasylaryna azyq-túlik jetkizdi, medıtsına qyzmetkerlerin tolyqqandy ystyq tamaqpen qamtamasyz etý boıynsha jumys júrgizdi.
Volonterlar men kásipkerlerdiń kúshimen turmysy tómen otbasylar men jalǵyz basty qarttarǵa arnalǵan 11 turǵyn úı salyndy.
Jalpy alǵanda, Memleket basshysynyń bastamasymen qolǵa alynǵan 7 jalpyulttyq joba boıynsha 1000-nan astam is-shara uıymdastyryldy.
Aımaq basshysy G.Ábdiqalyqova pandemııaǵa qaramastan Abaı Qunanbaevtyń 175 jyldyǵy da joǵarǵy dárejede atalyp ótken aıtyp ótti. Aqynnyń mereıtoıy Syr óńirde Nartaı Bekejanov atyndaǵy oblystyq qazaq akademııalyq mýzykalyq drama teatrynda Ersaıyn Tóleýbaıdyń «Abaı» spektakliniń qoıylymyn kórsetilýimen bastaldy.
Respýblıkalyq «Abaı jolymen» aqyndar aıtysyna ataqty aqyndarmen qatar jergilikti jas aqyndar da qatysty.
Qyzylorda qalasynda Semeı qalasynyń «Jıdebaı – Bórili» memlekettik tarıhı–mádenı jáne ádebı mýzeı-qoryǵynyń «Abaı-dana, Abaı-dara qazaqta» kóshpeli kórmesi uıymdastyryldy. Jalpyhalyqtyq chellendj aýqymyna ıe bolǵan Abaı shyǵarmalaryn oqý estafetasyn óńir turǵyndary da jaqsy qoldady.
Syrdyń dástúrli óneriniń tanymal ókilderiniń izbasarlary-jergilikti jyrshy-jyraýlar uly aqynnyń poezııasyn sıqyrly maqamdar arqyly jetkize bildi.
Syr jerinde alǵash ret «Abaı» operasynyń tusaýkeseri ótkizildi.
Sondaı-aq, aqynnyń ómiri men shyǵarmashylyq murasyn nasıhattaý maqsatynda dástúrli ónerdiń jas oryndaýshylarynyń «Abaı jyrlary Syr maqamynda»atty onlaın kontserti ótkizildi.
Suhbat sońynda Gúlshara Ábdiqalyqova Qazaq radıosyn kelesi jylǵy 100 jyldyq mereıtoıymen quttyqtap, radıo ujymyna shyǵarmashylyq tabys tiledi.
